Head image
Govt. Logo

Hits 18739 |  1 online

     
Wataalamu wa Sheria wa SADC wakutana nchini Afrika Kusini
news phpto

Katibu Mkuu Wizara ya Katiba na Sheria Zanzibar Ndg George Joseph Kazi ameongoza ujumbe wa Jamhuri ya Muungano wa Tanzania nchini Afrika Kusini Johannesburg kuhudhuria Mkutano wa Wataalamu wa Sheria wa Jumuiya ya Maendeleo ya Nchi za Kusini mwa Afrika SADC

Katibu Mkuu Wizara ya Katiba na Sheria Zanzibar Ndg George Joseph Kazi ameongoza ujumbe wa Jamhuri ya Muungano wa Tanzania nchini Afrika Kusini Johannesburg kuhudhuria Mkutano wa Wataalamu wa Sheria wa Jumuiya ya Maendeleo ya Nchi za Kusini mwa Afrika SADC

Mkutano wa Wataalamu wa Sheria wa SADC ulioanza tarehe 9 hadi tarehe 13 Disemba 2019 ni utekelezaji wa maamuzi ya mkutano wa Kamati ya Wanasheria Wakuu, Mawaziri wa Katiba na Sheria wa SADC uliofanyika Julai 2018

Pamoja na mambo mengine nchi wanachama zilielekezwa kuhuisha Sheria za nchi zao zinazohusisha urejeshaji wa wahalifu katika nchi wanazotuhumiwa kufanya uhalifu na ushirikiano wa masuala ya kisheria katika makosa ya jinai

Mkutano huo ulipokea na kujadili maoni na mapendekezo yatokanayo na masuali yaliyowasilishwa kwa nchi wanachama katika kuwezesha utekelezaji wa itifaki ya Jumuiya ya Ushirikiano wa masuala ya kisheria katika makosa ya Jinai na itifaki ya urejeshaji wa wahalifu katika nchi wanazotuhumiwa kufanya uhalifu

Aidha mkutano pia ulitoa wasilisho rasmi la namna sheria zao za nchi zinavyotekeleza masuala ya urejeshaji wa wahalifu katika nchi wanazotuhumiwa kufanya uhalifu kwa kuainisha taratibu, wadau muhimu wanaohusika, muda wa utekelezaji wa masuala hayo na changamoto zilizopo ndani ya nchi zao katika utekelezajiwa sheria hizo

Jamhuri ya Muungano wa Tanzania ndio Mwenyekiti wa sasa wa SADC hivyo Mkutano huo umeongozwa na Katibu Mkuu Wizara ya Katiba na Sheria Tanzania Profesa Sifuni Mchome

Wajumbe wengine waliohudhuria mkutano huo kutoka Tanzania ni Naibu Mwanasheria Mkuu Dkt Evaristo E. Longopa, Mkurugenzi Msaidizi Wizara ya Katiba na Sheria Tanzania Bara Bi Mercy Mrutu, Wakili wa Serikali Mwandamizi Ofisi ya Mwanasheria Mkuu Felista S. Lelo, Afisa wa Wizara ya Mambo ya Nje na Ushirikiano wa Afrika Mashariki Bi Zulekha Fundi.

Huduma za Tehama

Barua Pepe Msaada wa kisheria

Sisi

Mwanzo Kuhusu Sisi Idara Zetu

Viunga Muhimu

MAHAKAMA DPP WAKFU LRC SADC IKULU

Mawasiliano

Ofisi Kuu
S.L.P 772, Mazizini, Zanzibar
Tel.: +255(24)2234683 Mhe Waziri



Tel.: +255 (24)2234684 Katibu Mkuu,
Fax: +255 (24)2234689
Email: info@sheriasmz.go.tz